Публикации » Елчĕксем - малтисен йышĕнче

05 декабря 2012 г.

Кăçалхи раштав (декабрь) уйăхĕн 1-2-мĕшĕсенче Волгоград хулинче кире пуканĕ йăтакансен "Раççей çамрăклăхĕ" физкультурăпа спорт обществин Пĕтĕм Раççейри ăмăртăвĕ иртнĕ. Унта 1994 çулта çуралнă тата çамрăкрах атлетсем ăмăртнă. Ăмăртăва Чăваш Республикин команди те хутшăннă. Унăн йышĕнче пирĕн район атлечĕсем те пулнă. Курнавăш шкулĕнче 11-мĕш класра вĕренекен Н.Николаев (Ĕнел) 63 килограма çитичченхи виçере чемпион ятне тивĕçнĕ. Çавăн пекех 78 килограма çитичченхи виçере А.Павлов (Кавал) та çĕнтерỹçĕ. 85 килограмран йывăртарах атлетсенчен В.Иванов (Яманчỹрел) пăхăр медале тивĕçнĕ. 68 килограма çитичченхи виçере В.Семенов (Кĕçĕн Таяпа) тăваттăмĕш вырăна тухнă.

Источник: "Елчĕк Ен"