Публикации » "Йĕлтĕр йĕрĕ" ăмăртăва чĕнет

18 января 2014 г.

"Раççей йĕлтĕр йĕрĕ" - çĕр-шыври чи пĕлтерĕшлĕ спорт мероприятийĕ. ЧР Физкультурăпа спорт министерстви пĕлтернĕ тăрăх - кăçалхи ăмăртăва нарăсăн 2-мĕшĕнче ирттерме палăртнă.

1982 çулта ирттерме тытăннă ăмăртура халăх йышĕ çултан-çул ỹссе пырать. Юлашки вăхăтра Пĕтĕм Раççейри спорт уявне миллион ытла çын хутшăнать. Яш-кĕрĕмпе хĕр-упраçа спортпа туслаштарас тата сывă пурнăç йĕркине тытса пыма хăнăхтарас тĕллевпе йĕркелекен йăлана кĕнĕ ăмăртăва яланхи пекех предприяти-организаци, влаç органĕсен ведомствисен ертỹçисем VIP чупăва тухĕç. Елчĕкре спорт мероприятине "Ырсамай" культурăпа кану паркĕнче ирттерме палăртнă. Ял тăрăхĕсенче те çынсем йĕлтĕр йĕрĕ çине тăрĕç.

Источник: "Елчĕк Ен"