Публикации » Раççей Паттăрĕн призĕсемшĕн

22 декабря 2012 г.

Çак эрнере Шупашкарта Раççей Паттăрĕн, авиацин генерал-лейтенанчĕн Н.Гавриловăн призĕсемшĕн ирĕклĕ майпа кĕрешекенсен Пĕтĕм Раççейри турнирĕ иртрĕ. И.Н.Ульянов ячĕллĕ Чăваш патшалăх университечĕн спорт комплексĕнче иртнĕ турнира 12 регионтан 250 ытла спортсмен хутшăннă. Вĕсем хушшинче Елчĕк районĕн ирĕклĕ майпа кĕрешекенĕсем те пур. Çамрăксенчен 46 килограмлă виçере Аслă Елчĕкри Д.Обручков виççĕмĕш вырăн йышăнчĕ. Çитĕннисенчен унăн командăри юлташĕ Э.Адюков палăрчĕ. Вăл 50 килограмлă атлетсем хушшинче иккĕмĕш вырăна тухрĕ. Мала тухнисене медальсемпе грамотăсем, хаклă призсем парса чыс тунă. Г.АДЮКОВ, ДЮСШ преподаватель тренерĕ.

Источник: "Елчĕк Ен"