01 февраля 2014 г.
Нарăс уйăхĕн 2-мĕшĕнче Раççейри 70 хулара спорт уявĕ иртет. Ăмăрту кашни участнике савăнăç çеç кỹтĕр.
Йĕлтĕрçĕн тумтирĕ çанталăкăн начар пулăмĕсенчен сыхлатăр, çав вăхăтрах çăмăл та меллĕ пултăр. Çиллĕ те сивĕ çанталăкра уйрăмах асăрханулăх кирлĕ: çăмран çыхнă свитер, мамăкран хатĕрленĕ кĕпе, тачă шăлавар, пуçа çăмран çыхнă çĕлĕк, алла алсиш, меллĕ пушмак тăхăнмалла. Чăлха та меллĕ кирлĕ.
Ăмăрту умĕн сывлăха тĕрĕслеттермелле. Енчен те эсир 40 çултан иртнĕ пулсан, электрокардиограмма тутармалла, справка илмелле, ăна мандат комиссине тăратмалла.
Ăмăрту трасси çинче тухтăрсем пулĕç. Енчен те сывлăх енчен ыйту тухса тăрсан, эсир вĕсенчен пулăшу ыйтма пултаратăр.
Ăмăрту умĕн ỹте 10-15 минут çемçетмелле. Ăмăрту хыççăн тỹрех нагрузкăна чакармалла мар.
Источник: "Елчĕк Ен"