Публикации » Уйăхлăх пырать

26 января 2013 г.

Йăлана кĕнĕ тăрăх, кашни çулах кăрлач уйăхĕн 23-мĕшĕнчен пуçласа нарăс уйăхĕн 23-мĕшĕччен районта оборонăпа массăллă тата спорт ĕçĕсен уйăхлăхĕ иртет. Кăçал уйăхлăха Çĕр-шыв хỹтĕлевçин кунне тата Аттелĕхĕн Аслă вăрçинче çĕнтернĕренпе 68 çул çитнине халалланă. Республикăра мероприяти "Чăваш Республикинче çамрăксене 2012-2020 çулсенче çара кайма хатĕрлесси" программăпа килĕшỹллĕн пурнăçа кĕрет. Уйăхлăхăн тĕп тĕллевĕ - çамрăксене çарпа патриотла воспитани парасси, физкультурăпа спорта аталантарасси, сывă пурнăç йĕркине çирĕплетесси, çар службине кайма хатĕрлесси. Çавăнпа паттăрлăх урокĕсем, тĕрлĕ спорт уявĕсемпе конкурссем, Аттелĕхĕн Аслă вăрçин тата тыл ветеранĕсемпе запасра тăракан çар çыннисемпе тĕл пулусем йĕркелеççĕ. Уйăхлăха Çĕр-шыв хỹтĕлевçин кунĕнче пĕтĕмлетеççĕ.

Источник: "Елчĕк Ен"