13 октября 2012 г.
Кỹкеçри культурăпа кану центрĕнче алă вăйĕ виçекенсен республикăри ăмăртăвĕнче 1995-1996 çулсенче çуралнă каччăсемпе хĕрсем палăрнă. Хăйсен виçисенче Елчĕк районĕнчи 19 спортсмен ăмăртнă. Уйрăмах хĕрсем палăрнă. М.Никитина, М.Портнова (Елчĕк), Н.Солина (Тĕмер), А.Гаврилова (Патреккел) - виççĕмĕш, Т.Васильева (Тĕмер) иккĕмĕш вырăнсене йышăннă, çитĕннисен пĕрремĕш спорт разрячĕн нормативне тултарнă. М.Титова, О.Смолина, А.Зайцева, А.Кукурузов, П.Аверьянов (Çĕнĕ Пăва), П.Нягин (Елчĕк) çитĕннисен иккĕмĕш спорт разрядне тивĕçнĕ. Хĕрсем командăпа иккĕмĕш вырăна тухнă. Хăйсен виçисенче мала тухнă спортсменсене грамотăсемпе медальсем, командăсене кубоксем парса чысланă.
Источник: "Елчĕк Ен"