24 апреля 2013 г.
"Улăп" физкультурăпа сывату комплексĕнче регбол енĕпе Чăваш Республикин уçă чемпионачĕ иртрĕ.
Унта 3 команда хутшăнчĕ. Пĕрремĕш вăйăра "Барс" (Елчĕк ялĕ) тата "Вятка" (Киров хули) тĕл пулчĕç, иккĕмĕшĕнче - "Вятка" тата "Олимп" (Шупашкар хули). Пĕрремĕш вырăншăн "Барс" тата "Олимп" командăсем кĕрешрĕç. Хĕрỹ кĕрешỹре "Олимп" команда 18:12 шутпа çĕнтерчĕ, кубока çĕнсе илчĕ.
Командăсене наградăлама Чăваш Республикин физкультура, спорт тата туризм министрĕн çумĕ С.Шелтуков, Елчĕк район администрацийĕн пуçлăхĕн пĕрремĕш çумĕ - райадминистрацин вĕренỹпе çамрăксен политикин пайĕн ертỹçи Л.Левый, Раççейĕн регбол федерацийĕн вице-президенчĕ, Атăлçи регионсем хушшинчи координаторĕ И.Андреев хутшăнчĕç. Районти массăллă вăйăсене ирттерме пулăшнă пирĕн ентешсем - Н.Бариновпа И.Тикушев Тав çырăвĕсене тивĕçрĕç.