15 мая 2013 г.
"Сăран мечĕк" клуб парнисене çĕнсе илессишĕн кĕçĕн ушкăнри (2002 çулта тата каярах çуралнă ачасем) футбол турнирне Тĕмер, Аслă Елчĕк, Патреккел, Лаш Таяпа, Елчĕк шкулĕсенче вĕренекенсем хутшăннă.
Унта Елчĕк шкулĕн команди ăнăçлă тупăшнă. Вăл ытти тăватă командăран та выляса илсе район чемпионĕ пулса тăнă. Иккĕмĕшпе виççĕмĕш вырăнсенче - Лаш Таяпа тата Патреккел шкулĕсенче вĕренекенсем.
Турнирта Дима Самсонов (Лаш Таяпа) - "Чи лайăх вратарь", Александр Смирнов (Партеккел) - "Чи лайăх хỹтĕленсе вылякан", Дмитрий Тябуков (Елчĕк) - "Чи лайăх тапăнса вылякан" ятсене тивĕçнĕ.
Ĕнер республика турнирĕн зонăсенчи ăмăртăвĕсем иртнĕ. Елчĕкре Елчĕк шкулĕн тата Комсомольски, Патăрьел районĕсенчи çамрăк футболистсем тĕл пулса вылянă.
Источник: "Елчĕк Ен"