18 сентября 2013 г.
Шăмат кун районти тĕп стадионта Елчĕк ялĕн кубокне çĕнсе илессишĕн футбол турнирĕ иртнĕ.
Унта пурĕ 8 команда хутшăннă. Вĕсем Олимп системипе вылянă: выляса яракан турниртан тухса ỹкет. Площадка хуçисене çак шăпа пырса тивнĕ. Вĕсем пĕрремĕш вăйăрах Патреккелсене выляса янă.
Финалта Патреккелсем Кушкăсемпе вылянă, Кушка команди турнир çĕнтерỹçи пулса тăнă. Виççĕмĕш вырăншăн пынă тĕл пулура Тĕмер команди Аслă Елчĕксене парăнтарнă. Чылай вăйăра çĕнтерỹçĕсене тĕп вăхăтра мар, пенальти тапса палăртнă.
Источник: "Елчĕк Ен"