09 октября 2013 г.
Вăрнар поселокĕнче 18 çула çитичченхи çамрăксем хушшинче йывăр атлетика енĕпе Чăваш Республикинче мала тухмалли ăмăртăва Чăваш Енри 9 команда хутшăннă.
Пирĕн район чысне унта Çĕнĕ Пăва, Кивĕ Эйпеç, Елчĕк шкулĕсенче вĕренекенсем хỹтĕленĕ.
Хăйсен виçисенче Алина Панкратова, Полина Андреева, Любовь Иноходова, Эдуард Миронов, Андрей Александров, Александр Марков - пĕрремĕш, Артем Перцев, Владимир Викторов, Александр Сайкин - иккĕмĕш, Регина Гаврилова, Клавдия Изратова, Николай Конюков виççĕмĕш вырăнсене йышăннă.
Районти ачасемпе каччăсен команди пĕрремĕш, хĕр ачасемпе хĕрсен команди иккĕмĕш вырăнсене тухнă.
Паян Аслă Пăла Тимеш ялĕнче СССР спорт мастерне И.Портнова асăнса йывăр атлетсен Елчĕк районĕн уçă чемпионачĕ иртет.
Источник: "Елчĕк Ен"