05 октября 2013 г.
Ăçта кăна çитсе курмаççĕ Елчĕк енĕн спортсменĕсем! Акă, иртнĕ эрнере вĕсем Самар облаçĕнчи Четырла ялĕнче пулнă. Пилĕкрен тытса кĕрешессипе Раççей генералĕсен Сидоровсен призĕсемшĕн кавир çине тухнă. Начар мар результатсем кăтартнă вĕсем унта. 35 килограмлă виçере Çĕнĕ Пăвари Д.Викентьев - иккĕмĕш, Аслă Елчĕкри А.Тябуков виççĕмĕш вырăнсене йышăннă.
45 килограмлă атлетсенчен Лаш Таяпари А.Салмин, 50 килограмлисенчен Лаш Таяпари Е.Яковлев палăрнă.
Аслă Елчĕкри Е.Теньков 55 килограмлă виçере - иккĕмĕш, И.Чернов 66 килограмлă виçере пĕрремĕш вырăнсене тухнă.
Çамрăк кĕрешỹçĕсене турнира Г.Адюковпа С.Александров тренерсем хатĕрленĕ.
Источник: "Елчĕк Ен"