11 января 2014 г.
Çĕнĕ çулхи кану кунĕсенче районти кашни ял тăрăхĕнчех кĕçĕннисемпе аслисем, аслă ăрурисем валли тĕрлĕ интереслĕ мероприятисем иртнĕ.
Елчĕк районĕнче хальхи вăхăтра "Ылтăн шайба" клубăн призĕсене çĕнсе илессипе ăмăрту пырать. Кăрлач уйăхĕн 8-мĕшĕнче Патреккел, Елчĕк, Аслă Елчĕк, Тĕмер ялĕсен 1999-2000 çулсенче çуралнă хоккеисчĕсем Патреккелте тĕл пулнă. Çивĕч тупăшура малти вырăна Елчĕксем тухнă. Аслă Елчĕксемпе Патреккелсем - иккĕмĕш тата виççĕмĕш вырăнсенче. Николай Петров (Елчĕк) чи лайăх вратарь, Антон Долгов (Аслă Елчĕк) чи лайăх хỹтĕлевçĕ, Антон Кучков (Елчĕк) чи лайăх тапăнса вылякан ятсене тивĕçнĕ.
Источник: "Елчĕк Ен"