01 февраля 2014 г.
Ыран, нарăс уйăхĕн 2-мĕшĕнче, вырсарни кун районта "Раççей йĕлтĕр йĕрĕ - 2014" ăмăрту иртĕ. Пĕтĕм Раççейри XXXII ăмăртăва ял тăрăхĕсенче йĕлтĕр спортне юратакансем хутшăнĕç. Елчĕкре тĕп старт "Ырсамай" культурăпа кану паркĕнче пулĕ.
Ăмăртăва официаллă майпа 11 сехет те 45 минутра уçаççĕ. 12 сехетре вара йĕлтĕр йĕрĕ çине тухаççĕ.
Тĕрлĕ ỹсĕмри çынсем тĕрлĕ дистанцинче вăй виçеççĕ. VIP чупăва хутшăнакансем 2014 метрлă, 1-4 классенче вĕренекенсем, арçын ветерансем тата 51 çул урлă каçнă хĕрарăмсем - 1000 метрлă, 5-9 классенче вĕренекенсем, 50 çула çитмен арçынсем, хĕрарăмсем 2000 метрлă, 10-11 классенче вĕренекенсем 3000 метрлă дистанцисене тухаççĕ.
Источник: "Елчĕк Ен"