07 июня 2014 г.
Шупашкарта ĕнер спорт мелĕпе утассипе Раççей чемпионачĕ пуçланнă.
Ирхине 8 сехетре Шупашкар заливĕ хĕрринче 20 çухрăмлă старта хĕрарăмсем тăнă. 29 участникран 11-шĕ - тĕнче класлă спорт мастерĕ.
10 сехетре ăмăртăва савăнăçлă лару-тăрура уçнă. Тепĕр çур сехетрен арçынсем 20 çухрăмлă дистанцире ăмăртнă.
Кăнтăрла иртсен "Олимпийский" стадионта çамрăксем старт илнĕ. Аслисем пекех вĕсем те пĕтĕм тĕнчери ăмăртусене хутшăнма ирĕк çĕнсе илессишĕн кĕрешеççĕ.
Паян чемпионатра ăмăртусем малалла тăсăлнă.
Источник: "Елчĕк Ен"