08 мая 2014 г.
Футболла выляса район кубокне çĕнсе илессишĕн ăмăрту малалла пырать.
Пирвайхи вăйăсенче Елчĕк ял тăрăхĕн команди Кĕçĕн Таяпасене 6:0, Курнавăшсене 6:1 шутсемпе çĕнтернĕ. Аслă Пăла Тимеш ял тăрăхĕнчи спорт тусĕсем Тăрăмсене 3:1 шутпа парăнтарнă. Çирĕклĕ Шăхаль тата Лаш Таяпа ял тăрăхĕсен командисем хушшинчи тĕл пулу 5:1 шутпа вĕçленнĕ. Аслă Таяпа ял тăрăхĕн команди Аслă Елчĕк командипе выляма килмен. Çурма финалта ĕнер Аслă Елчĕк тата Çирĕклĕ Шăхаль командисем тĕл пулнă. Паян Елчĕкпе Аслă Пăла Тимеш командисем выляççĕ.
Çурхи кубок финалĕ çу уйăхĕн 9-мĕшĕнче Елчĕкри тĕп стадионта иртет.
Источник: "Елчĕк Ен"