Публикации » Уçă алăксен кунĕ

26 ноября 2014 г.

Шăмат кун Елчĕк районĕнче спортпа сывлăх кунĕ иртнĕ. Çавна май район центрĕнчи сывлăха çирĕплетекен комплексра, Спорт çуртĕнче, сывлăха çирĕплетекен мĕн пур учрежденисенче уçă алăксен кунне йĕркеленĕ.

Елчĕкри сывлăха çирĕплетекен комплексăн спорт залне, тренажер залне, бассейна тỹлевсĕр кĕртрĕç çак кун. Унта тĕрлĕ мероприятисем иртрĕç. Спорт залĕнче "Скакалкăпа кам ытларах сикет" турнира çамрăксем те, ваттисем те хутшăнчĕç. Ун хыççăн кунтах шкул ачисен баскетбол лигин районти ăмăртăвне 5 команда хутшăнчĕ. Елчĕкри пĕтĕмĕшле пĕлỹ паракан вăтам шкулăн пĕрремĕш команди турнирта çĕнтерчĕ. Вăл 4 командăран та выляса илчĕ. Шкулăн иккĕмĕш команди виççĕмĕш вырăна тухрĕ. Çирĕклĕ Шăхалĕнчи çамрăк баскетболистсем турнирта иккĕмĕш вырăн йышăнчĕç.

Спортпа сывлăх кунĕнче Елчĕкри Спорт çуртĕнче те (Андреев урамĕ), ялсенчи спорт залĕсенче те хăйсен сывлăхĕсене çирĕплетме халăх сахал мар пухăннă.

Источник: "Елчĕк Ен"