24 декабря 2014 г.
Иртнĕ шăмат кун районта сывлăхпа спорт кунĕ иртрĕ.
"Улăп" физкультурăпа сывлăха çирĕплетекен комплексри спорт, тренажер, кĕрешỹçĕсен залĕсем спорта юратакансене, бассейн вара шывра ишекенсене тỹлевсĕрех йышăнчĕç. Çавăн пекех сĕтелçи теннисĕпе кăсăкланакансем те, хоккейла вылякансем те хăйсен кăмăлне тивĕçтерчĕç.
"Улăп" ФОК спорт залĕнче 1997-1998 çулсенче çуралнă шкул ачисем волейболла вылярĕç. 5 командăран Çирĕклĕ Шăхальсем - пĕрремĕш, Курнавăшсем - иккĕмĕш, Çĕнĕ Пăвасем виççĕмĕш вырăнсене йышăнчĕç.
Источник: "Елчĕк Ен"