24 января 2015 г.
Иртнĕ шăмат кун Çĕнĕ Пăвара 1997 çулта çуралнă тата çамрăкрах йĕлтĕрçĕсем старта тухрĕç. Вĕсене район администрацийĕн пуçлăхĕн пĕрремĕш çумĕ Л.Левый тата Çĕнĕ Пăвари вăтам шкул ертỹçи Д.Горшков саламларĕç, ăнăçусем сунчĕç.
7 класра вĕренекен тата çамрăкрах хĕр ачасенчен Ирина Петрова, Екатерина Андреева (Елчĕк), Даша Мохова (Аслă Елчĕк), арçын ачасенчен Борис Петров (Патреккел), Владимир Кузьмин, Станислав Волков (Хăвăлçырма) çĕнтерỹçĕсемпе призерсен йышне кĕчĕç.
8-9 классенче вĕренекенсем те хăйсен пултарулăхĕпе савăнтарчĕç. Кунта Светлана Сергеева (Шăмалак), Анастасия Семенова (Кĕçĕн Таяпа), Юлия Адюкова (Аслă Елчĕк), Роман Романов (Елчĕк), Георгий Агеев (Аслă Елчĕк), Николай Миллин (Патреккел) палăрчĕç.
Ăмăртăва 10-11 классенче вĕренекенсем вĕçлерĕç. Снежана Волкова (Çирĕклĕ Шăхаль шкулĕ), Виктория Цыганова (Елчĕк шкулĕ), Анастасия Начарова (Аслă Елчĕк шкулĕ), Роман Романов, Данил Смирнов (Елчĕк), Георгий Агеев (Аслă Елчĕк) ыттисенчен хастар пулчĕç.
Çĕнтерỹçĕсемпе призерсем дипломсемпе медальсене тивĕçрĕç.
(Хамăр инф.)
Источник: "Елчĕк Ен"