01 апреля 2015 г.
"Улăп" физкультурăпа сывлăха çирĕплетекен комплексăн спорт залĕнче мини-футбол енĕпе Юрий Иванова асăнса уçă турнир иртнĕ. Унта Елчĕк, Комсомольски, Патăрьел, Шăмăршă, Тăвай районĕсенчен 16 команда вăй виçнĕ.
Вăйă Олимп системипе иртнĕ, кашни вăйăра 10-шар минутран тăракан икĕ тайм вылянă. Финала "Тăрмăшсем" (Тăвай районĕ), "Елчĕк", "Тăрăм" тата "Шăмăршă" командăсем тухнă. Вĕсемех çĕнтерỹçĕне тата призерсене палăртнă. Пĕрремĕш вырăна Шăмăршă районĕн футболисчĕсем тухнă, иккĕмĕшпе виççĕмĕш вырăнсенче - Тăрăм тата Елчĕк ялĕсен командисем.
"Чи лайăх вратарь" ята Шăмăршă командинчи Владислав Гордеев тивĕçнĕ. "Чи лайăх тапăнса вылякан" тата "Чи лайăх хỹтĕленсе вылякан" ятсене Сергей Васильев (Елчĕк), Павел Сорокин (Тăрмăш, Тăвай районĕ) çĕнсе илнĕ.
Источник: "Елчĕк Ен"