08 мая 2015 г.
Кăçалхи июнĕн 20-21-мĕшĕсенче Шупашкарта иртекен çăмăл атлетсен Европăри командăсен чемпионатне курма билетсене ирĕклĕн сутма пуçланă.
Электронлă майпа (www.cheboksary2015.ru/ru/tickets) билетсене туянма март уйăхĕнченех май пулнă. Халĕ вара вĕсене Шупашкар, Çĕнĕ Шупашкар, Йошкар-Ола хулисенче ирĕклĕнех сутаççĕ. Билет хакĕ стадионти сектортан килет, вăл 200-800 тенкĕпе танлашать. Ăмăртусене 2 кун курма 300-1200 тенкĕ тăкакланать.
Шупашкарта билетсене "Детский Мир" (Ленин проспекчĕ, 26), "Мега Молл" (Калинин урамĕ, 105а) суту-илỹ центрĕсенче, Суту-илỹ çуртĕнче (Карл Маркс урамĕ, 47), Çĕнĕ Шупашкарта "Олимп" суту-илỹ центрĕнче (Винокур урамĕ, 55), Йошкар-Олара Аслă Çĕнтерĕве XXX çул культура çуртĕнчи тĕп фойере туянма пулать.
Источник: "Елчĕк Ен"