07 октября 2015 г.
Елчĕкри тĕп стадионта 1998 çулта çуралнă тата çамрăкрах ачасем футболла выляса кĕркуннехи «Çамрăклăх» кубокшăн кĕрешнĕ.
Çамрăк футболистсем икĕ ушкăнра ăмăртнă. Виççĕмĕш вырăншăн пынă тупăшура Елчĕкри вăтам шкулăн иккĕмĕш команди Курнавăшсене 3:1 шутпа çĕнтернĕ.
Финалта Елчĕксен пĕрремĕш команди Çĕнĕ Пăвасенчен выляса илсе кубока тивĕçнĕ. «Чи лайăх вратарь» ята Алексей Куприянов, «Чи лайăх хÿтĕленсе вылякан» ята Павел Галошев, «Чи лайăх тапăнса вылякан» ята Данил Смирнов илнĕ.
Источник: "Елчĕк Ен"