31 октября 2015 г.
Канаш районĕнчи Карăклă ялĕнче СССР спорт мастерне, Чăваш Республикин тава тивĕçлĕ тренерне Г.Н.Смирнова асăнса ирĕклĕ майпа кĕрешекенсен Чăваш Республикин черетлĕ турнирĕ иртрĕ.
Унта Елчĕкри А.В.Игнатьев ячĕллĕ ДЮСШ спортсменĕсем те хутшăнчĕç. Кĕрешÿ икĕ кун пычĕ.
Хăйсен виçисенче Александ Блинов /Кушкă/ - иккĕмĕш, Данил Петров /Патреккел/, Кирилл Петров /Çирĕклĕ Шăхаль/ виççĕмĕш вырăнсене йышăнчĕç. Çавăн пекех Николай Лапшин /Çирĕклĕ Шăхаль/, Кирилл Лазарев /Аслă Елчĕк/ та ăнăçлă кĕрешсе тăваттăмĕш вырăна тухрĕç.
Г.АДЮКОВ.
Источник: "Елчĕк Ен"