10 марта 2016 г.
Мартăн 3-5-мĕшĕсенче Мускавра ветеран-штангистсен Раççейри чемпионачĕ иртнĕ.
Йывăр атлетсен Раççейри чемпионатне Раççей Федерацийĕнчи 43 регионри 200 ытла ветеран хутшăннă. 40-49 çулсенчи ветерансем хушшинче пирĕн ентеш, Раççей спорт мастерĕ, РФ ШĔМĕн Чăваш Республикинчи ГИБДД сотрудникĕ Илья Ишмуратов чемпионатăн кĕмĕл медальне çĕнсе илнĕ. 105 килограмлă виçере вăл икĕ енлĕ ăмăртура 240 килограмм пухнă.
Илья Ишмуратов Елчĕкре çуралса ÿснĕ, хăйĕн спортри ăсталăхне Ардалион Игнатьев ячĕллĕ ачасемпе çамрăксен спорт шкулĕнче туптанă. Мастерсен турнирĕсен призерĕ хальхинче те ентешсене хăйĕн çитĕнĕвĕпе савăнтарчĕ.
Источник: "Елчĕк Ен"