30 марта 2016 г.
«Улăп» физкультурăпа сывлăха çирĕплетекен комплексăн спорт залĕнче Юрий Иванова асăнса мини-футбол енĕпе уçă турнир иртнĕ.
Юрий Николаевич Иванов кĕрешÿ, футбол тата мини-футбол енĕпе ирттернĕ ăмăртусенче район чысне сахал мар хÿтĕленĕ. Пурнăçран вăхăтсăр уйрăлнă спортсмена асăнса ирттернĕ турнира Елчĕк, Комсомольски, Тăвай районĕсенчи 14 команда хутшăннă. Вĕсене спорт кĕрешĕвĕн республикăри федерацийĕн председателĕ Алексей Лапшин, Юрий Ивановăн тăванĕсемпе тус-юлташĕсем саламланă.
Хĕрÿ иртнĕ вăйăсенче «Елчĕк-1» команда çĕнтернĕ. Иккĕмĕшпе виççĕмĕш вырăнсенче - Элпуç тата Тăрăм ялĕсен командисем. «Чи лайăх вратарь» ята Василий Соловьев /Тăрăм/, «Чи лайăх тапăнса вылякан» ята Сергей Васильев /Елчĕк/, «Чи лайăх хÿтĕлевçĕ» ята Александр Лапшин /Элпуç/ тивĕçнĕ. Çĕнтерÿçĕсемпе призерсене кубоксемпе, грамотăсемпе чысланă.
Источник: "Елчĕк Ен"