16 июля 2016 г.
Спорт шкулĕсен Пĕтĕм Раççейри иккĕмĕш çуллахи спартакиадин программипе килĕшÿллĕн, июлĕн 4-10-мĕшĕсенче Саранск хулинче 14-15 çулсенчи йывăр атлетсен финалти ăмăртăвĕ иртнĕ.
Пирĕн районти çамрăк штангистсем ăмăртусенче Чăваш Енĕн чысне хÿтĕленĕ. Раççейри чи вăйлă 25 команда хушшинче Елчĕксем саккăрмĕш вырăна тивĕçнĕ. Уйрăм атлетсенчен Алина Панкратова пĕрремĕш вырăна тухнă. Вăл 48 кг виçере икĕ енлĕ ăмăртса 115 кг пухнă. Алексей Носовпа Мария Артемьева - пиллĕкмĕш, Юлия Веникова - улттăмĕш, Александр Ильин - саккăрмĕш, Вадим Воробьев - вуннăмĕш, Максим Марков - вунпĕрмĕш, Владимир Семенов - вуниккĕмĕш, Антон Смирнов вунпиллĕкмĕш вырăнсене йышăннă.
А.ФЕДОРОВ.
Источник: "Елчĕк Ен"