21 декабря 2016 г.
Патреккелĕнчи пĕтĕмĕшле пĕлÿ паракан вăтам шкулăн хоккей площадкинче аслă ушкăнти - 2002-2003 çулсенче çуралнă çамрăк хоккеистсен хушшинче «Ылтăн шайба» клубăн призĕсемшĕн район чемпионачĕ иртнĕ.
Ăмăртăва Елчĕкри, Аслă Елчĕкри, Лаш Таяпари вăтам, Патреккелĕнчи, Тĕмерти тĕп шкулсен командисем хутшăннă.
Хĕрÿ кĕрешÿре Патреккелсем мала тухнă. Иккĕмĕшпе виççĕмĕш вырăнсене Лаш Таяпасемпе Елчĕксем йышăннă.
Патреккелĕнчи шкул команди паян Комсомольски районĕнче «Ылтăн шайба» клубăн призĕсемшĕн республикăри турнирăн пĕрремĕш тапхăрĕнче ăмăртать.
Источник: "Елчĕк Ен"