11 февраля 2017 г.
Çак турнирăн вăтам ушкăнĕнчи /2004-2005 çç/ çамрăк хоккеистсем республикăри ăмăртăвĕн виççĕмĕш тапхăрĕн черетлĕ вăййисене ирттернĕ.
Пирĕн районти «Елчĕк» команда февралĕн 6-мĕшĕнче Вăрнар поселокĕнче Шупашкарти «Спартак-1» командăпа тĕп пулнă. Патреккел, Елчĕк, Аслă Елчĕк шкулĕсенчи вĕренекенсенчен йĕркеленĕ пирĕн команда пĕрремĕш тапхăрта хăйĕн хапхине икĕ шайба кĕрттернĕ. Иккĕмĕш тапхăрта Елчĕксем вăйă шутне танлаштарнă - 3:3, виççĕмĕшĕнче Патреккел шкулĕнчи Роман Гаврилов Елчĕк командине çĕнтерÿ кÿнĕ шайба çапса кĕртнĕ.
Кĕçнерникун вăтам ушкăнри район команди Йĕпреçре вырăнти командăпа тĕл пулнă. Ăна 5:0 шутпа парăнтарнă.
Источник: "Елчĕк Ен"