11 февраля 2017 г.
Аслă Елчĕкри хоккей площадкинче кĕçĕн ушкăнра /2006 çулта çуралнă тата кĕçĕнрех/ Чăваш Республикин Пуçлăхĕн кубокне çĕнсе илессишĕн шкул ачисен XIX спартакиадин зачетне кĕрекен республикăри ăмăртăвĕн пĕрремĕш тапхăрти вăййисем иртнĕ. Унта Елчĕк, Патăрьел, Комсомольски районĕсен командисем вылянă. Пĕрремĕш тĕлпулура Елчĕксем Каçалсене 4:0 шутпа парăнтарнă. Иккĕмĕшĕнче пирĕн çамрăк хоккеистсем Патăрьел районĕн командинчен 3:0 шутпа выляса илнĕ. Командăри Владислав Иванов /Патреккел/, Олег Ефимов /Аслă Елчĕк/ тапăнса вылякансем, Антон Евстафьев /Елчĕк/ хÿтĕленсе вылякан, Никита Сенькин /Патреккел/ вратарь палăрнă.
Февралĕн 13-мĕшĕнче Елчĕк район команди республикăри ăмăртун иккĕмĕш тапхăрĕнчи малаллахи вăййисене хутшăнать.
Источник: "Елчĕк Ен"