22 февраля 2017 г.
Юрий Юлисович Львов воин-интернационалиста халалласа кăçал Аслă Таяпари пĕтĕмĕшле пĕлÿ паракан тĕп шкулта 9-мĕш хут районти йĕлтĕрçĕсен ăмăртăвĕ иртрĕ. Ăна Совет Çарĕн чаçĕсене Афганистанран илсе тухнă куна тата оборонăпа массăллă спорт уйăхлăхне халалласа йĕркеленĕ. Мероприятие уçнă май Аслă Таяпа шкулĕн директорĕ В.Малов, Канашри «Экопласт» ООО директорĕн çумĕ А.Афанасьев, Афган вăрçин участникĕ Ю.Львов, Аслă Таяпа ял тăрăхĕн пуçлăхĕ В.Сапожникова, физкультура учителĕ В.Корнилов йĕлтĕрçĕсемпе куракансене саламларĕç. Хальхи çамрăксем Тăван çĕршыва хÿтĕлеме яланах хатĕр пулмалли çинчен аса илтерчĕç, ăмăртура пурне те ăнăçу сунчĕç.
Кăçал 11 шкултан 147 ача старта тухрĕ. Вĕсене хавхалантарма ашшĕ-амăшĕ те килнĕ, ял халăхĕ те йышлă пуçтарăннă.
Чи малтанах старта 2006 çулта çуралнă тата унтан кĕçĕнрех ачасем тухрĕç. Хĕрачасенчен И.Козлова /Кĕçĕн Таяпа/, М.Воронова /Таяпа Энтри/, С.Ловкина /Хăвăлçырма/, арçын ачасенчен А.Ловкин /Хăвăлçырма/, А.Савинов /Çирĕклĕ Шăхаль/, А.Иванов /Патреккел/, К.Максимов /Хăвăлçырма/ палăрчĕç. 2005 çулта çуралнисем тата çамрăкраххисем хушшинче çĕнтерÿçĕсен ятне В.Баранова /Елчĕк/, А.Павлова /Кĕçĕн Таяпа/, А.Алексеева /Елчĕк/, М.Шишкин /Кĕçĕн Таяпа/, Д.Жуков /Тĕмер/, А.Трофимов /Елчĕк/ тивĕçрĕç. 2003-2004 çулсенче çуралнисем хушшинче 1000 метра чупса А.Петрова /Елчĕк/, Ю. Краснова /Таяпа Энтри/, К.Егорова /Елчĕк/, К.Кузнецов /Аслă Таяпа/, В.Райков /Елчĕк/, И.Игнатьев /Елчĕк/ палăрчĕç.
Вăтам ушкăнра /2001-2002 çç/ И.Петрова /Елчĕк/, Е.Перепелкина /Хăвăлçырма/, А.Краснова /Елчĕк/, Д.Скобелев /Кĕçĕн Таяпа/, Д.Трофимов /Хăвăлçырма/, С.Волков /Хăвăлçырма/ мала тухрĕç. Аслă ушкăнрисен /1999-2000 çç/ тупăшăвĕнче Л.Краснова /Çирĕклĕ Шăхаль/ çĕнтерÿçĕ, Ю.Адюкова /Елчĕк/, А.Обручкова /Елчĕк/ призерсем пулчĕç. Арçын ачасен ушкăнĕнче çĕнтерÿçĕсемпе призерсем пурте Елчĕксем: Г.Агеев, Р.Романов, Р.Романов.
«Чи çамрăк çĕнтерÿçĕ» ята Аслă Таяпа шкулĕнче 1-мĕш класра вĕренекен С.Кузнецова тивĕçрĕ.
Мала тухнă йĕлтĕрçĕсене грамотăсем, медальсем, пĕчĕк кубоксем парса чысларĕç. Командăсем хушшинче Кĕçĕн Таяпа шкулĕ çĕнтерÿçĕ, Хăвăлçырмапа Аслă Таяпа призерсем. Вăтам шкулсем хушшинче Елчĕксем 1-мĕш вырăнта, Çирĕклĕ Шăхальсем - 2-мĕш, Курнавăшсем - 3-мĕш. Кăçал воин-интернационалист кубокне Кĕçĕн Таяпасем тивĕçрĕç.
Г.МАЛОВА, вĕрентекен.
Аслă Таяпа.
Источник: "Елчĕк Ен"