22 марта 2017 г.
Шупашкарти «Чебоксары Арена» Пăр керменĕн конференц-залĕнче Чăваш Енĕн Физкультурăпа спорт министерствин коллегийĕн анлă ларăвĕнче спортăн 2016 çулхи аталанăвне пĕтĕмлетнĕ, малашлăха палăртнă. Тĕп доклада Чăваш Енĕн физкультурăпа спорт министрĕ Сергей Шелтуков тунă.
Коллеги ларăвĕн вĕçĕнче смотр-конкурссен çĕнтерÿçисемпе призерĕсене чысланă. Кунта Елчĕксем те палăрнă. Сывлăхне çирĕплетме 500 яхăн çын çÿрекен ачасемпе çамрăксен спорт шкулĕсен хушшинче «Улăп» ФОК /директорĕ Р.Григорьев/ пиллĕкмĕш хут малти вырăна тухнă, министерствăн Дипломне тивĕçнĕ. Çавăн пекех республикăри Сывлăхпа спорт кунĕсене йĕркелессипе те Елчĕксем лауреатсен йышĕнче.
Чăваш Республикинчи 26 районпа хулара пурăнакансем хушшинче физкультурăпа сывлăх, массăллă спорт ĕçĕсене чи лайăх йĕркелекенсенчен те пирĕн район 4-мĕш вырăна тухнă. Кунта ачасемпе çамрăксен спорт шкулĕн тренерĕсемпе преподавателĕсен, шкулсенчи физкультура вĕрентекенĕсен тÿпи пысăк.
Источник: "Елчĕк Ен"