26 апреля 2017 г.
Сывлăхпа спорт кунĕнче Спорт çуртĕнче И.Мешкова асăнса ирĕклĕ майпа кĕрешекенсен турнирĕ иртнĕ. Унта 2005 çулта çуралнă тата çамрăкрах 50 яхăн спортсмен тупăшнă.
Хăйсен виçисенче А.Терентьев, А.Петров, Д.Крысов, Д.Иванов, Р.Никонов, И.Николаев /Елчĕкри шкул/, П.Николаев, С.Краснов /Çирĕклĕ Шăхальти шкул/, О.Ефимов /Аслă Елчĕкри шкул/, Е.Рахмин /Çĕнĕ Пăвари шкул/ çĕнтернĕ. «Чи çамрăк спортсмен» Р.Николаев /Кармал/ пулнă, «Çĕнтерÿ патне ăнтăлнăшăн» ята С.Тябуков /Аслă Елчĕк/, «Чи лайăх техникăшăн» ята Д.Крысов /Елчĕк/ çĕнсе илнĕ. Д.Райковăн /И.Мешковăн куккăшĕ/ ятарлă призне Т.Амасев /Аслă Елчĕк/ тивĕçнĕ.
Елчĕкри вăтам шкул команди кубока çĕнче илнĕ. Иккĕмĕшпе виççĕмĕш вырăнсенче - Аслă Елчĕксемпе Çирĕклĕ Шăхальсем.
Сăнÿкерчĕкре: кĕрешÿ саманчĕ.
Источник: "Елчĕк Ен"