26 апреля 2017 г.
Лаш Таяпари культура çуртĕнче воин-интернационалиста, Хĕрлĕ Çăлтăр орден кавалерне Владимир Яковлева асăнса спорт турнирĕ иртнĕ.
Унпа пĕрле вĕреннĕ Владимир Меметов меценат тăрăшнипе 6-мĕш хут йĕркеленĕ спорт турнирне. Кăçал унта республикăри «Доблесть» общество представителĕсем те хутшăннă. Кире пуканĕ йăтма, «Кĕрешÿ» наци мелĕпе кĕрешме, шашкăлла выляма хутшăнакансене Лаш Таяпа ял тăрăхĕн «Мехел» ушкăнĕ, Юрий Петухов-Кашкăр юрăç хаваслă ташă-юрăпа савăнтарнă. Çавăн пекех ăмăртăва йĕркелекен Владимир Меметов, «Кĕрешÿ» мелĕпе кĕрешекенсен республикăри федерацийĕн ертÿçи Виталий Васильев, район администрацийĕн представителĕ Петр Смирнов, Лаш Таяпари шкул ертÿçи Ирина Чернова, Владимир Яковлевăн тус-юлташĕсем саламланă.
Çĕнтерÿçĕсемпе призерсене грамотăсем, медальсем, кубоксем, призсем парса чысланă.
Источник: "Елчĕк Ен"