23 июня 2017 г.
Çак кунсенче Çĕрпỹ районĕнче çамрăк армеецсен "Зарница" тата "Орленок" вăййисен финалĕ иртнĕ. Унта республикăри ял-хуласенчи çамрăк патриотсен 83 уйрăмĕ хутшăннă.
Яшсемпе хĕрсене Чăваш Республикин Министрсен Кабинечĕн председателĕ Иван Моторин, Чăваш Республикин çар комиссариачĕн ертỹçи Александр Мокрушин, Чăваш Республикин вĕрентỹ тата çамрăксен политикин министрĕн пĕрремĕш çумĕ Сергей Кудряшов саламланă.
Кăмăл çирĕплĕхĕпе тỹсĕмлĕхе, çивĕч ăс-хакăла тĕрĕслекен вăйăсемпе ăмăртусенче, конкурссенче палăрса "Орленок" ушкăнри Елчĕкри пĕтĕмĕшле пĕлỹ паракан вăтам шкулта вĕренекенсем 3-мĕш вырăна тухма пултарнă. Саламлатпăр вĕсене!
Источник: "Елчĕк Ен"