Викторина "Эсир Ардалион Игнатьев пирки мĕн пĕлетĕр?"

Чÿк уйăхĕн 24-мĕшĕнче пирĕн районта çуралса ÿснĕ паллă спортсмен Ардалион Васильевич Игнатьев 85 çул тултарать.  Çак ятпа Елчĕкри тĕп вулавăш викторина ирттерет.

Унăн ыйтăвĕсем çакăн пек:

1. А.В.Игнатьев хăçан тата хăш ялта çуралнă?
2. Паллă ентешĕмĕре шкулта вĕреннĕ çулсенче спортпа туслашма пулăшнă, хавхалантарса пынă, вĕсенчен тĕслĕх илнĕ çынсене асăнăр.
3. А.В.Игнатьев пĕрремĕш çитĕнĕвесем.
4. Чăваш Республикин тата Совет Союзĕн пĕрлештернĕ командисене кĕнĕ çулсем.
5. А.В.Игнатьев мĕнле дистанцисене чупнă?
6. А.В.Игнатьев çăмăл атлетикăна хăш дистанцийĕнче, ăçта, хăçан СССР рекордне пĕрремĕш хут çĕнетнĕ, СССР чемпионĕ пулса тăнă?
7. Ăçта, хăçан пулса иртнĕ Олимп вăййисене хутшăннă, вĕсенче миçемĕш вырăнсене çĕнсе илнĕ?
8. Европăри тата Пĕтĕм тĕнчери мĕнле ăмăртусенче çĕнтернĕ?
9. СССР чемпионĕн тата рекордсменĕн ячĕсене миçе хут çĕнсе илнĕ?
10. СССР спорт мастерĕн, СССР тава тивĕçлĕ спорт мастерĕн ячĕсене мĕнле, хăçан, хăш хулара ирттернĕ ăмăртусем хыççăн тивĕçнĕ?
11. Спорт карьери вĕçленнĕ хыççăн çĕр-шывăн хăш хулисенче, кам пулса ĕçлесе пурăннă?
12. А.В.Игнатьев спортри çитĕнÿсемшĕн çĕр-шывăн, Чăваш Республикин мĕнле наградисене, хисеплĕ ятсене тивĕçнĕ?
13. Унăн ятне панă учрежденисем, вырăнсем.
14. А.В.Игнатьев спортра пысăк çитĕнÿсем тума мĕн пулăшнă?